मेरो फोटो ।

यस्तो पनि देखिन्छ

बन्दका क्रममा कालीमाटीमा एक वालक । स्रोत : मेरो संसार

स्मृतिका एक वर्ष, अव तस्विरमा मात्र

एक वर्ष अघि मानव अधिकार दिवसका अवसर पारेर धनकुटाको छिन्ताङमा त्यहाँका सहिदको शालिकमा खिचिएको फोटो ।

भेडेटारमा विभिन्न रेडियोले राखेका टावरसरीको दृश्य ।

यौवन झर्ने डरले नायिकाहरु सन्तान जन्माउन चाहदैनन्

सन्तान जन्माएर यौवन झर्ने सम्भावना रहने र जवानी घटने डरले नायिकाहरु चाँडो सन्तान जन्माउन चाहदैनन् । कतिपयले त समयमा विवाह समेत गरेका छैनन् । क्यारियरप्रति बढी चिन्तित रहने उनीहरु प्रसिद्धिको उचाइँमा पुग्ने महत्वाकाँक्षाले चाँडो सन्तान पाउन चाहेको देखिदैन । क्यारियर बनाउने नाममा जस्तोसुकै त्याग गर्न पछि नपर्ने नायिकाहरु एउटा निश्चित दायरामा बाँधिएका हुन्छन ।

निश्चित उमेर, यौवनको धुप र आकर्षक शरिर रहेसम्म मात्र प्रस्ताव आउने भएकाले डिमाण्ड खस्किने डरका कारण उनीहरु हम्मेसी विवाह र सन्तान जन्माउन चाहदैनन् । निर्माता/निर्देशकहरुले पनि यस्तै कुराको अपेक्षा राखिरहेका हुन्छन् । यी कुराको अभाव भएमा निर्माताहरुले उनीहरुलाई अवसर दिदैनन् । त्यसैले पनि शारिरिक तन्दुरुस्तीका लागि उनीहरु विवाह गर्न हतारिदैन । अझ बच्चा जन्माउने सवालमा त उनीहरु बेफिक्रि नै हुन्छन । विवाह गरेर घरजम गर्नासाथ बच्चा जन्माउँदा बनेको क्यारियर बिग्रने डर हुने उनीहरुको भनाइ छ ।

शरिर कमजोर बन्ने र सुन्दरता घटने डरले उनीहरु खतरा मोल्न चाहदैन । तर सबैमा यो लागू नहुन सक्छ । हलिउडतिर हेर्ने हो भने संसारकै सवभन्दा महंगी नायिका जुलिया रोबटर्सले तीन जना सन्तानलाई जन्म दिई सकेकी छिन भने म्याराडोनाका पनि तीन जना सन्तान छन् । त्यसै गरि कामुक नायिका एन्जेलेना जोली र गायिका बि्रटनी स्पीयर्सले पनि सन्तान जन्माई सकेका छन् । क्यारियर चरमचुलीमा पुगीरहेकै समयमा उनीहरुले सन्तान जन्माएका हुन् । त्यसैगरि बलिउडमा पनि केही नायिकाहरुले उमेरमै विवाह गरेर सन्तान जन्माईसकेका छन् । त्यसो त ढल्कदो उमेरका कारण पनि केही नायिकाहरुले चलचित्रबाट सन्यास लिदै मातृत्व सुखको आनन्द लिई रहेका छन् । राजेश खन्नाकी सुपुत्रि टंवीकल खन्ना क्यारियर बनाउने होडमै रहेका बेला अक्षयकुमारसँग वैवाहिक बन्धनमा बाधिइन भने सोनाली बेन्द्रे पनि प्रसस्त सम्भावनाका बावजुद निर्माता/निर्देशक गोल्डी बेहेलसित विवाह गर्न पुगिन ।

ढल्कदो उमेरसँगै क्यारियरको अन्ततिर श्रीदेवी र माधुरी दिक्षितले विवाह गरे । हाल दुवैको दुई सन्तान छन । त्यसै गरि करिश्मा कपुर रविना टण्डनले विवाह गरेर चलचित्र क्षेत्रलाई निरन्तरता दिन सकेनन् । आमा भएपछि पुर्ण रुपमा उनीहरु गृहणी बन्न पुगे । त्यसो त यसअघि चुही चावला पनि सन्तान जन्माएर चलचित्र क्षेत्रबाट केही समयकालागि टाढिएकी थिइन । विवाह र सन्तान जन्माइ सकेपछि प्राय कम नायिकाले मात्र मूख्य भुमिकामा अभिनय गर्न पाउँछन । कि त सह-अभिनेती कि चरित्र अभिनेत्रीमा चित्त बुझाउनु पर्छ । काजोल भने त्यसको अपवाद बनेकी छन् ।
नेपाली सिनेमा पनि यो रोगबाट मुक्त हुन सकेको छैन । बलिउडकै देखासिकि गर्ने नेपाली सिनेमामा पनि नायिकाहरुलाई यसरी नै प्रयोग गरिदै आएको छ । भरपुर सुन्दरता र जवानी रहेसम्म उनीहरु व्यस्त हुन्छन । रुप र रंग उडेपछि उनीहरुको कुनै सोधखोज हुँदैन । त्यसैले प्राय नेपाली नायिकाहरु उमेरमा विवाह गर्न हतारिदैनन् । नेपाली परम्परा अनुसार २५ काटनसाथ केटीहरुको विवाह गरिदिने चलन छ । तर नेपाली नायिकाहरु तीस कटाएर पनि बिहे नगरि बसेका छन ।

नव नायिकाहरुकेा भिडसँगै विपना थापा लगायतका केही पुराना नायिकाहरुले विहे गरेका छन् । त्यसै गरि घरजम गरेर बसेका केही नायिकाहरु अझै सन्तान जन्माउन अनिच्छुक देखिएका छन् । निर्माता छवी ओझा जस्तो मुर्गा पति भेटाएकी रेखा थापाले विवाह गरेको पनि पाँच वर्ष बितीसक्यो तर उनलाई आमा बन्न हतार छैन् । कामुक नायिकाको उपाधि समेत पाएकी उनलाई आˆनो रुप जाने डर छ । त्यसैले तत्काल सन्तान जन्माउने चाहना छैन उनीमा । सम्बन्ध विच्छदे गरेर बसेकी नायिका सञ्जिता लुईटेलले पाँच व

र्षे वैवाहिक जीवनमा सन्तान जन्माइनन् । क्यारियर बनाउने नाममा उनले मातृत्व सुखलाई तिलाञ्जली दिएकी छन् । मनमुटावका कारण आठ महिना अलग बसेकी नायिका रन्जना शर्मा पनि पहिले क्यारियर बनाउने पक्षमा छन् । किन अहिले बच्चा जन्माउन हतार गर्ने ? उमेर छ पछि नहुने कुरै भएन । उनको कथन छ । त्यसो त अहिलेकी व्यस्त नायिका अरुणीमा लम्सालले विवाह गरेको पनि साढे दुई वर्षभन्दा बढी भयो । अझै तीन चार बर्ष सन्तान नजन्माउने उनको योजना छ । भरखर त क्यारियर बन्दैछ । किन हतार गर्ने ? उनले प्रतिप्रश्न गर्दै भनिन-उमेर रहेसम्म चलचित्र पाईने हो त्यसपछि त कसैले सोध्दैन । स्रोत:- अनलाईन खबर

USAID, NGCPP And Traffic police Organaised a training in vedetar.

भेडेटारको चिसोसँगै रमाएका रेडियोकर्मीसाथीहरुसँगको सम्भmनाको चिनो, यो तस्विर । तस्विर राजधानी दैनिकका मोरंग संवाददाता सुदिप कोइरालाले पठाएका हुन् । अनि यहाँ सहभागिहरु : त्रmमश, पूर्वाञ्चल एफएम विराटनगरकी सीता, कोसी एफएम विराटनगरका लोक सफल, पपुलर एफएम इनरुवाका संजय, स्कार्इ एफएम विराटनगरका सन्तोष्ा, क्ष्ोत्रीय ट्राफिक प्रहरी कार्यालय इटहरीका प्रमूख प्रहरी नायव उपरिक्ष्ाक यज्ञ थापा, विएफएम विराटनगरका सुदिप, कञ्चनजंगा एफएम विर्तामोडका दिपक, म आफैं, एनजीसीपीपीका प्रदिप परियार र एकजना होटलवाला बा ।

About Me

ज्ञानेन्द्रले हिन्दूवादी नेताहरुलाई भेट्ने

आफ्नो हजुरबुबा त्रिभुवनकी छोरीको नातीको विवाह समारोहमा सहभागी हुन भनी आइतबार भारत भ्रमणमा निस्किएका पूर्व राजा ज्ञानेन्द्र शाहको यो भ्रमणलाई नितान्त पारिवारिक भ्रमण र भेटघाट भनिए पनि उनका सहयोगीहरुले यो भ्रमणलाई राजनीतिक भ्रमण बनाएका छन् ।
दक्षिण भारत जान भनी आइतबार दिल्ली पुगेका पूर्व राजा ज्ञानेन्द्रले झण्डै एक साताको दिल्ली बसाईंमा राजनीतिक भेटवार्ता गर्न बताइएको छ । उहाँले आज भारतको राजधानी नयाँ दिल्लीमा विभिन्न राजनेता र व्यापारीहरुसँग भेट्ने कार्यक्रम तय भएको छ । उहाँले आधा दर्जन जति भारतका प्रतिष्ठित व्यापारी र सोही संख्यामा राजनेताहरुसँग भेटवार्ता गर्ने बताइएको छ ।
पुस ७ गते हुने विवाह समारोहमा भाग लिन जानु अगाडि पूर्व राजा ज्ञानेन्द्रले भारतका मन्त्री मुरली मनोहर जोशी, राजस्थानका मुख्य मन्त्री नयन्द्र मोदी, उत्तर प्रदेशका नेता मुलायमसिंह यादव र प्रमुख प्रतिपक्षी दलका नेता लालकृष्ण आँडवाणीलगायतका हिन्दूवादी नेताहरुसँग भेटवार्ता गर्ने कार्यक्रम यसअघि नै तय भइसकेको छ ।
पूर्व राजा ज्ञानेन्द्रले यसरी हिन्दूवादी नेताहरुसँग मात्र भेटवार्ता गर्ने कार्यक्रम तय भएबाट थप आशंकाहरु जन्मिन थालेका छन् । यसअघि पनि एक महिना लामो भारत भ्रमण गरेका पूर्व राजा ज्ञानेन्द्रलाई भारतीय सरकार र राजनेताहरुले ठूलो महत्व दिएर भेटवार्ता गरेको थियो । यसपटकको भ्रमणमा समेत प्रधानमन्त्री मनमोहन सिंह, सोनिया गान्धीलगायतकासँग भेटवार्ताका लागि पूर्वराजा निकट भारतीय नेताहरुले प्रयास गरिरहेका छन् ।
स्रोतका अनुसार पूर्वराजा ज्ञानेन्द्र भारतबाट स्वदेश नफर्की युरोपियन युनियन सम्बद्ध राष्ट्रहरु बेलायतलगायतका देशहरुको भ्रमणमा निस्कने तयारीमा हुनुहुन्छ ।
निर्मल निवास स्रोतले पछिल्लो समयमा दलहरुबीचको तिक्तताका कारण नेपाली जनता आजित भएको र आफूप्रति सद्भाव बढेको अनुमानसहित विदेश भ्रमणबाट आफ्नो कूटनीतिक पकड र समर्थन बढाउने रणनीति अख्तियार गरेको जानकारी दिएको छ ।

source : onlinekhabar.com

परिषद वैठक स्थगित

संवैधानिक परिष्ादको वैठक आज पनि स्थगित भएको छ । माओवादी प्रतिनिधिको अनुपस्थिति रहेपछि परिष्ाद वैठक स्थगित भएको हो । जसका कारण विभिन्न संवैधानिक निकायका प्रमूखहरुको नियुक्ती प्रकृया रोकिएको छ ।

पूर्वराजा ज्ञानेन्द्र भारत जाँदै

पारिवारिक बिबाह समारोहमा भाग लिन पूर्व राजा ज्ञानेन्द्र शाह आज भारत जादै हुनुहुन्छ ।
फुपुकी छोरीको उडिसामा हुने बिबाह समारोहमा भाग लिन उहाँ आज नयाँ दिल्ली जान लाग्नुभएको हो । नयाँ दिल्लीको तीन दिने बसाईमा त्यहाँका राजनीतिक नेताहरुसंग पनि भेटवार्ता हुने बताइएको छ ।
उहाँ अपरान्ह ३ बजेको उडानबाट दिल्ली प्रस्थान गर्न लाग्नुभएको हो । करिव तीन हप्ता लामो भारत भ्रमणपछि शाह युरोप जाने तयारीमा रहेको बिश्वस्त स्रोतले बताएका छन् ।

source : onlinekhabar.com

बन्दले मुलुकभरको जनजीवन प्रभावित/धनकुटामा सवारी साधनमा तोडफोड

कैलालीमा सुकुम्बासीसंग सरकारले ज्यादती गरेको भन्दै माओवादीले आइतबार आव्हान गरेको नेपाल बन्दका कारण मुलुक भरको जनजीवन प्रभावित बनेको छ । बन्दका क्रममा माओवादी कार्यकर्ताहरुले धनकुटामा ६ वटा सवारी साधनमा तोडफोड गरेका छन् । राजमार्गहरुमा यातायात संचालनमा आएको छैन । प्रमुख सहरका बजारहरु बन्द रहेको छ । राजधानीमा बिहानै देखि पूर्ण रुपमा यातायात ठप्प छ । विभिन्न स्थानमा माओवादी कार्यकर्ताहरु जम्मा भएर सवारी साधान संचालनमा रोक लगाएका छन् । बिहान साढे ८ बजेसम्म उपत्यकामा कुनै अप्रीय घटना नभएको प्रहरी कन्ट्रोलले जनाएको छ । कैलालीको डडुझारीमा वनक्षेत्र कब्जा गरी बसेका सुकुम्बासी हटाउने क्रममा भएको झडपमा एक जना प्रहरी सहित ५ जनाको मृत्यु भएको पुष्टि भएको छ । माओवादीले भने आफ्ना ६ जना कार्यकर्ताको मृत्यु भएको दावी गरेको छ । माओवादीले मृतकहरुलाई सहिद घोषणा घाइतेहरुको उचित उपचार तथा गृहमन्त्री भीम रावलको राजीनामा माग गर्दै बन्द आव्हान गरेको हो । पोखरामा विहानैदेखि पुरै बजार बन्द भएको छ भने सडकमा कुनै पनि सवारी साधन चलेका छैनन । उद्योगधन्दा, ब्यापार, ब्यावसाय र शैक्षिक संस्था पनि पुरै प्रभावित भएका छन । स्थानीय प्रशासनले बजारमा नेपाल प्रहरी र सशस्त्र साढे ६ सय प्रहरी परिचालन गरेको छ । माओवादी कार्यकर्ताहरु सबेरैदेखि शहरका चोक चोकमा बसेर बन्द गराएका थिए । बन्दका कारण पृथ्वी, सिद्धार्थ, पोखरा बागलुङ राजमार्ग तथा ग्रामीण सडकमा पनि सवारी चलेका छैनन । प्रहरीले अखिल क्रान्तिकारीका कार्यकर्ता विनोद लामिछानेलाई विहानै पक्राउ गरी एक घन्टापछि छाडेको थियो । नुवाकोटमा बन्दका कारण पासाङ ल्हामुमार्गमा विहानै देखी सवारीसाधन चलेका छैनन् भने वन्द सफल पार्न माओवादी जुलुस विहानै देखी वजार वन्द गर्न हिडेका थिए । वन्दले सार्वजिनक तथा निजी विद्यालय देखी घरेलु उद्योग समेत वन्द भएका छन् । बन्दका कारण सवारी साधन नचल्दा सरकारी कार्यालय खुलेपनी सुनसान देखिएको छ । वन्द सफल पार्न माओवादीले सदरमुकाम विदुर र आसपासका वजार क्षेत्रको चोकचोकमा कोणसभा समेत गरेका छन् । बन्दका कारण पश्चिमाञ्चलको प्रमुख बजार बुटवल र आसपासको क्षेत्रमा पूर्ण प्रभाव परेको छ । बन्दका कारण बुटवल भएर चल्ने तथा बुटवलबाट छुट्ने पुर्वपश्चिम र सिद्धार्थ लोकमार्गमा सवारीका साधन ठप्प छन् । बिहान सबेरै देखि माओवादी कार्यकर्ताहरुले सडकको चोकचोकमा लाठा र झण्डा सहित गरेको प्रद्धर्शनका कारण भित्री तथा हुलाकी सडकखण्डमा पनि यातायातका साधन चलेका छैनन् । बन्दका कारण बुटवलको बजार , शिक्षण सस्था , कलकारखाना , कार्यालय लगायत पनि बन्द भएका छन् । माओवादीले नीजी अस्पताल र मेडीकल हलसमेत खुल्न नदिएपछि विरामीहरु मर्कामा परेका छन् । जनकपुर क्षेत्रका शैक्षिक संस्था र पसलहरु पनि बन्द छन् । विहानै देखी सवारी साधनहरु पनि चलेका छैन । जनकपुर नगर क्षेत्रमा फाट फुट मोटर र्साइकल चलेको देखिए पनि जीप कार जस्ता सवारी साधनहरु चलेका छैनन् । माओवादी कार्यकर्ताहरुले गए राति नगर क्षेत्रमा मसाल जुलुस पनि प्रदर्शन गरेका थिए ।पाल्पाको सिद्धार्थ लोकमार्ग र तानसेन तम्घास सडकमा सवारी साधन आइतवार विहानै देखि गुडेका छैनन् । तानसेन र ग्रामिण भेगका बजारहरु खुलेका छैनन् भने क्याम्पस, विद्यालय, कलकारखाना समेत बन्द छन् । माओवादी नेता तथा कार्यकर्ताहरुले शनिवार साझ मसाल जुलुस गरि आइतवारको बन्द सफल पार्न आग्रह गरे अनुसार बन्द भएको छ । पाल्पा तानसेनवाट छुट्ने लामो तथा छोटो दुरीका सवारी साधन पनि चलेका छैनन् ।

source : ekantipur.com

कैलालीमा तनाव जारी/७ वटा सवारी साधनमा आगजनी

कैलाली जिल्लाको बलिया गाविसको बलचौर-डुडेझारी जंगलमा बसेका सुकुम्बासीलाई उठाउन खोज्दा प्रहरी र सुकुम्बासीबीच शुक्रबार भएको झडपका कारण शनिबार बिहानैदेखि त्यसक्षेत्रमा तनाव कायम छ । आक्रोशित सुकुम्बासीहरुले राजमार्गमा ७ वटा सवारी साधनमा आगजनी गरेका छन् । बजाज मोटरसाइकल लोड गरिएको ट्रकमा आगजनी गर्नुका साथै १२ वटा मोटरसाइकल समेत लुटेर लगेका छन् ।सुकुम्बासीलाई जंगलक्षेत्रबाट हटाउन तथा स्थितिलाई नियन्त्रणमा लिन कैलाली बाहेक छिमेकी जिल्लाहरुबाट पनि ठूलो संख्यामा सुरक्षाकर्मी मगाइएको छ । दुवैपक्षको तयारीका कारण आजपनि झडप हुने सम्भावना रहेको छ । घटनास्थलमा थप १ जना सुकुम्बासीको शव भेटिएको छ । यसरी उक्त घटनामा १ प्रहरीसहित ४ जनाको मृत्यु भएको छ । सुकुम्वासीहरुले बिहानैदेखि राजमार्ग अवरुद्ध पारेका छन् । झडपमा परी २२ वषिर्य नरेन्द्र विक, रुपलाल डगौरा, संजय ढकाल र प्रहरी जवान पदम ऐडीको मृत्यु भएको जनाइएको छ । संजय ढकाल एकिकृत माओवादीका जिल्ला सचिवालय सदस्य भएका माओवादीले जनाएको छ । झडपमा ३० भन्दा बढी घाइते भएका उपचारमा संलग्न रेडक्रसकर्मीले जनाएका छन् । सुकुम्बासीले सइ कल्याणसिह महराकेा टाउकोमा बन्चरो प्रहार गरेका छन् । विरोधमा माओवादीले आज कैलाली बन्दको घोषणा गरेको छ । बन्चरो प्रहारबाट घाइते भएका महरासित रहेको पेस्तोल र गोली पनि सुकुम्बासीले लगेका प्रहरीले जनाएको छ । प्रहारबाट गम्भीर घाइते भएका महारालाई उपचारका लागि लखनउ लगिएको जनाइएको छ । घाइते प्रहरी जवान देवसिंह विष्टको अंचल अस्पताल धनगढीमा चेते खडकाको आखा अस्पताल गेटामा उपचार भइरहेको प्रहरीले जनाएको छ ।करिब २५ प्रहरीको रेडक्रसले उपचार गरेको र ५ जना जति सुकुम्बासीको उपचार गरेको टोलीमा खटिएकी गीता चौधरीले जनाएकी छिन् । मंसिर १० गतेदेखि बस्दै आएका सुकुम्बासी हटाउन बन कार्यालयले प्रचार प्रसार गरे पनि नमानेपछि प्रहरीले शुक्रबार बल प्रयोग गरी हटाउने प्रयास गरेको थियो तर उनीहरुले ठाउँ छाडेका छैनन् । सुकुम्बासीका नाममा बनेका झुप्रामा बन कर्मचारीले आगो लगाउन थालेपछि दुइ पक्षबीच शुक्रबार दिउसो करिब १ बजेतिर झडप शुरु भएको हो । प्रहरीले सयौं राउण्ड अश्रु ग्यास प्रहार गरे पनि नभागी उल्टै ढुंगामुढा गर्न थालेपछि प्रहरीले गोली प्रहार गरेको थियो ।गोली प्रहारबाट सुकुम्बासी भीमबहादुर थापाको पेटमा र गोपाल विकको हातमा गोली लागेको छ । गोली प्रहारबाट घाइते दुवै जनाको लालरत्न अस्पताल लम्कीमा उपचार भइरहेको छ । लम्की बजारबाट करिब ४ किलोमिटरको दुरीमा जंगल कब्जा गरी बसेका सुकुम्बासी हटाउन करिब २ हजार प्रहरी परिचालन भएका थिए भने सुकुम्बासीहरु करिब १० हजारको संख्या थिए । प्रहरी घटनास्थल आउन लागेको थाहा पाएपछि सुकुम्बासीले राजमार्गमा रुख ढालेर अवरोध गरेका थिए । माओवादी समर्थित दलित मुक्ति मोर्चाको २ घण्टे चक्का जामले पनि धनगढीबाट आउने प्रहरी टोलीलाई सुखडमा अवरोध गरेका थिए । आज थारुवान बन्ददाङ / कैलालीमा सुकुम्बासीमाथि प्रहरीले दमन गरेको भन्दै एकीकृत माओवादी संयुक्त जनआन्दोलन समिति र अखिल नेपाल सुकुम्बासी संघले आज(शनिबार) थारुवान क्षेत्र बन्दको घोषणा गरेको छ । यसैगरी समितिले आइतबार नेपाल बन्दको घोषणा गरेको छ । आज थारुवान क्षेत्रका दाङ, बाँके, बर्दिया, कैलाली र कञ्चनपुरमा यातायातका साथै कलकारखाना, उद्योग, बजार सबै बन्द गरिएको माओवादी दाङका सह सेक्रेटरी तथा जनआन्दोलन समितिका संयोजक रामजी चौधरीले बताए । बन्दको आह्वानसँगै आज बिहानैदेखि दाङ लगाएत पश्चिम तराइको जनजीवन प्रभावित भएको छ । माओवादीले सडकमा ढुंगा थुपारेर यातायात बन्द गर्न थालेका छन् । यातायात बन्द हुन थालेपछि यात्रुहरुलाई समस्या परेको छ ।

source : ekantipur.com

उपराष्ट्रपति हराएको सूचना

यस धरतीमा, यस घडीमा राज्यविहीन, प्रणालीविहीन र मूल्यहीन देश कहीँ छ भने त्यो सर्वोच्च शिखर सगरमाथामुन्तिर छ । त्यस देशलाई नेपाल कहिन्छ । बर्बरताको वर्चस्व भएको नेपालमा नागरिकले खाई नखाई तिरेको करमा पालिएको सेनाले उनै नागरिकलाई बेपत्ता पार्छ । बेपत्ता पार्ने निकाय नांगा आँखाले प्रस्टै देखिन्छ । कमान्ड दिने टावरवासी नाइके खुलस्त चिनिन्छ । कमान्ड लागू गरी नागरिकलाई बेपत्ता पार्ने स्थलगत नाइके छाती तन्काएर हिँडिरहन्छ । तर, न बेपत्ताको यथार्थ कथा पत्ता लाग्छ, न बेपत्ताकर्ता न्यायको कठघरामा उभिएको देख्न पाइन्छ । हुँदा-हुँदा अब त यो आदिम देशमा गणतन्त्रका उपराष्ट्रपति नै बेपत्ता हुन थाले ।बिहान अँध्यारैमा मर्निङवाकमा निस्कँदा गौरीघाट चोकमा एउटा सेतो प्रहरी भ्यान देख्थेँ । भ्यानको छेउछाउमा लाठा र राइफलधारी प्रहरीको झुप्पो हुन्थ्यो । नजिकै एउटा घरमा राष्ट्रिय झन्डा फहराउँथ्यो । यी दुई कुरा उपराष्ट्रपति त्यहाँ हुनुका दसी थिए । जगत् जान्दछ, उपराष्ट्रपति कामको पद होइन, दामको पद हो । यो राष्ट्रपति आक्कल-झुक्कल गद्दीमा नहुँदा गमक्क फुलेर निजको वारिसे भइदिने र बाँकी समय मग्नसँग बसिखाने पद हो । गद्दीमा उपराष्ट्रपति थिए, तिनले नियमबमोजिम विनाकाम गतिलो दाम थापेकै थिए । यहाँसम्म कुरा ठीकै थियो ।तर, फुर्तीलो सर्वोच्च अदालतको फैसलाले चमत्कार नै गर्‍यो । उपराष्ट्रपतिको झन्डा खोसियो । तिनको तलब-भत्ता शेष भयो । भ्यानसहित प्रहरीको झुप्पो अलप भयो । र, उपराष्ट्रपति श्री परमानन्द झा आनन्दरहित भएर दृश्यपटलबाट अन्तध्र्यान भए । उपराष्ट्रपति झाका निकटस्थ संरक्षक राष्ट्रपति यादव निश्चिन्त छन् । संसद्को भीड मौन छ । बुँख्याःचातुल्य माधव सरकार चिन्तामुक्त छ । मधेसी दलहरूलाई त मानौँ उपराष्ट्रपति हराएको थाहै छैन । कारण ती सत्ताको स्वादिष्ट भोजन ज्युनार गर्न अति व्यस्त छन् ।उपराष्ट्रपति झाको कसुर विचित्रको छ । यिनले आँखाले नेपाली भाषाको शपथ पढे, मुखले हिन्दी भाषामा शपथ खाए । र, ल्याप्चे सही चाइने नेपाली भाषाकै लिखतमा ठोके । अदालत वकितममा भन्दा लिखितममा विश्वास गर्ने संस्था हो । लिखितममा झाजीले नेपाली शपथलाई बाकाइदा सदर गरेका थिए । तर, सर्वोच्चले 'झा महोदयको शपथको प्रमाण देखाऊ' भनी राष्ट्रपति कार्यालयलाई सोध्ने लेठो गरेन । कारण पहाडी राष्ट्रवादको जाज्वल्यमान ध्वजामुनि उसको फैसलाको निरूपण सके पहिल्यै भइसकेको थियो । अजीवको जीव हो, हाम्रो सर्वोच्च अदालत । यसको प्राथमिकता र मानक अभियुक्तका जुँगा हेरी हुन्छ । शून्य समयमा जन्मेका रुक्मांगद कटवालको जन्ममिति खुट्याउन यसलाई कहिल्यै तातो लागेन । राष्ट्रपति यादवको कदमले शान्ति-प्रक्रियामा विकराल भ्वाङ पारेको छ । तर, श्री यादवमाथिको अभियोगको फैसला कुन साल वा कुन दशक वा कुन शताब्दीमा हुने हो, सर्वाेच्चका श्रीहजुरहरूलाई न थाहापत्तो छ, न हतार छ, न त पिरोलो नै छ । फैसला भइहाले कुन शुभमुहूर्तमा, कसको प्रभावमा, कसको दबाबमा, कसको इसारामा वा कसको हितमा हुने हो, भगवान् नै जानून् ।उपराष्ट्रपतिको शपथपछि मधेस-तराईको एक समुदायले हिन्दी राष्ट्रवादको ध्वजा उठायो, पहाडको एक डप\mफाले पहाडी राष्ट्रवादको ध्वजा फहरायो । यताको ध्वजासँग उताको ध्वजा जुध्यो । पक्ष-विपक्षले आ-आप\mनो कुरो धीत मरुन्जेल भने । यति भएपछि यो विवादको छिनोफानो नयाँ संविधानमा गरे भएकै थियो । नेपाली माटोमा बोलिने भाषाहरूको यथोचित उपयोगिता र हैसियतको टुंगो लगाउने वैध लिखत आखिर त्यही त हो । तर, कलहको चाङमाथि कलह थप्न सर्वोच्च अदालतलाई खसखस लाग्यो । र, उसले के-के न पुण्यकर्म गरेझैँ गरी झाजीको शपथ बदर गरिदियो । अनि सर्वोच्चको फैसलाले लखेटिएर उपराष्ट्रपति झा हराए ।श्री परमानन्द झा आफ्नो हातले एक्लै मत हालेर आफ्नै मुखले उपराष्ट्रपति घोषित भएका होइनन् । यी हिन्दीभाषी नेपालीहरूले मात्र मत हालेर विजयी भएका पनि होइनन् । राष्ट्रपति यादवलाई जति दलका जति सांसदले लाम लागेर मतदान गरे, यिनलाई पनि ती सबैले तीन हात उभिएर मतदान गरेकै हुन् । विडम्बनावश, मतदानको माध्यमले आफूले शिरमाथि बोकेका, सभक्ति पुजेका र हर्षोल्लासका साथ जयजयकार गरेका उपराष्ट्रपति हराउँदा पनि ती सब मौन छन् । ती ढुक्क छन् । गच्छेअनुसारको सत्ताभाग डकार्दै मस्त मुद्रामा ती चैनको सास फेरिरहेका छन् । घरमा पालिएको कुखुरो, बाख्रो, बिरालो, कुकुर वा सुँगुर हराउँदा चारचौरास धुइँपत्ताल खोजिन्छ । तर, गणतन्त्र नेपालका उपराष्ट्रपति हराउँदा खोजी गर्ने कोही छैन । मानौँ राजनीतिमा खाओवादीहरूको चकचकी चलेको याममा मानिस, पद, प्रतिष्ठा, मर्यादा आदिको गन्देझारको जति मूल्य पनि हुँदैन ।नौसिङे कानुनका ज्ञाताहरूले उपराष्ट्रपति झालाई राजनीतिको दोबाटोमा कैद गरेर अलपत्र छाडिदिएका छन् । हामीलाई दिव्य ज्ञान दान गर्दै ती भन्दाछन्- उपराष्ट्रपति झाजी चुनाव जितेको र शपथ नखाएको साँगुरो दोसाँधमा छन् । नौसिङे गुरुजीहरूलाई म अकिञ्चनको प्रश्न छ यो दोसाँधको आयु कति लामो हुन्छ ? दोसाँधको अक्करमा कति समय अड्किएपछि विजयी पात्रको विजय बदर हुन्छ ? अन्तरिम संविधानमा उपराष्ट्रपति पदको बन्दोबस्त छ । चुनिएका उपराष्ट्रपति झा विजय र शपथको बीचको कैदी भएर हराएका छन् । उपराष्ट्रपति कार्यालयको उदास गद्दी खाली छ । यो लज्जास्पद गाईजात्रा कतिन्जेल चल्ने हो ? थरीथरीका हेरिनसक्नु अनुहार भएका हरूवाहरू चुनावलाई उपहास गर्दै, बहुसंख्यक मतदाताका शिर टेक्दै, झन्डा हल्लाउँदै, समस्त परिवेशमा राजनीतिक र नैतिक प्रदूषण फैलाउँदै सत्ताका गद्दीमा ढसमस्स बसेका छन् । ती भत्ता र सुविधा, मोज र मस्ती भकाभक भोग गरिरहेका छन् । तर, जितुवा उपराष्ट्रपति झालाई न गद्दी छ, न झन्डा छ, न भत्ता छ । न त यो निरस रिक्तताको आयुकै अत्तोपत्तो छ । बिचरालाई कि दाम र मान दिनु कि झटपट बिदा दिनु यिनलाई यो अनिश्चितकालीन अपमान र यातना किन ?लाग्छ, श्री परमानन्द झाको भाग्यै खोटो छ । यिनलाई मधेसी जनअधिकार फोरमले काँधमा बोकेर नाटकीय ढंगले रातारात चुनावमा उतारे'थ्यो । अहिले यिनको जन्मदाता फोरमै फोरिएको छ । कुरूप तथ्य भन्छ- एक्काइस दलका गुरुजीहरू र दिल्लीका दाज्यैज्यूहरूले गच्छदारलाई हेर्दैमा मुख रसाउने सत्ताको हरियो तृण देखाए । राम्रैसँग तृणको स्वाद पाएका गच्छदार लोभिए । र, फोरमका तृणमार्गीहरूजतिलाई फकाउँदै र लोभ्याउँदै यिनले सत्तास्वाद तृप्त गर्नै फोरम भत्काए । गच्छदार थरले थारू हुन्, यिनको दलको नाममा मधेसी अलंकार गाँसिएको छ । तर, यिनले न थारू समुदायका सपनाको प्रतिनिधित्व गर्छन्, न त मधेसीका आकांक्षाकै प्रतिनिधित्व गर्छन् । त्यसैले आपनो दलका उपराष्ट्रपति झा गद्दीमा रहुन् कि हराउन्, यिनलाई कुनै चिन्ता छैन । फोरम यिनका लागि फगत वैतरणी नदी तर्ने पुल हो । पुल तरेर सत्तारूपी बैकुण्ठमा पुगेपछि तरिआएको पुल र पुल बनाउनेहरूको के मतलब ? यिनलाई त सत्तामा दीर्घायु रहन सिडिओ कुट्ने करिमा बेगमलाई दण्डमुक्त गर्न मात्र मतलब छ । उपराष्ट्रपति परमानन्द झा गद्दीमा रहे आफूलाई के लाभ हुन्छ, नरहे के घाटा हुन्छ ?रह्यो कुरा सत्ताभोगी अन्य मधेसी दलहरूको । यिनको लुब्ध मति र स्वाभिमानहीन कर्म हेर्दा यी दलहरू दल होइन, केवल ठूला दलका दलालजस्ता देखिन थालेका छन् । उपेक्षा, अपमान र अनिश्चयको अक्करमा परेर आप\mना उपराष्ट्रपति झा हराउँदा यी केही बोल्दैनन् । मानौँ एकाध मन्त्री पदका निम्ति यिनले आफ्नो इतिहास, प्रतिबद्धता र गरिमा सबै नै तिलाञ्जली दिइसकेका छन् । बरा जराविहीन र सत्ताविहीन जोगीजस्तो उपेन्द्र समूहले के गरोस् ? ज्या है ! सदाका लागि हराएको हरायै हुने भए उपराष्ट्रपति श्री परमानन्द झा । .

खगेन्द्र संग्रौला, source : nepalarab.com

छैठौं स्वास्थ्य स्वंसेविका दिवस मनाईंदै

स्वास्थ्य स्वंसेविकाको सेवा, स्वस्थ समाजको लागि टेवा’ भन्ने नाराका साथ आज छैठौं स्वास्थ्य स्वंसेविका दिवस देशभर मनाईंदैछ । महिला स्वास्थ्य स्वंसेविकाले स्वास्थ्यक्षेत्रमा पुर्‍याएको योगदानको मुल्याङ्कन गरी उनीहरुलाई सम्मान र थप प्रोत्साहन दिन विभिन्न कार्यक्रम गरि यो दिवस मनाईंदै आएको छ ।
दिवसको अवसरमा एक सन्देश दिँदै स्वास्थ्यमन्त्री उमाकान्त चौधरीले महिला स्वास्थ्य स्वंसेविकाको सेवाले समुदायको स्वास्थ्यस्थिति सुधार्न उल्लेखनीय योगदान पुगेको भन्दै उनीहरुको प्रशंसा गर्नुभएको छ ।
स्वास्थ्य मन्त्रालयका अनुसार देशभर ४८ हजार ५ सय ४९ महिला स्वास्थ्य स्वंसेविकाहरु कार्यरत छन् । उनीहरुको हितका लागि प्रत्येक गाविसमा ५० हजारको कोष स्थापना गरिएको र यस आर्थिक वर्षमा थप १० हजार रुपैयाँ विनियोजन गरिएको मन्त्रालयले जनाएको छ ।